മലപ്പുറത്ത് നിപ ബാധിച്ച രോഗിയുടെ സമ്പര്ക്കപ്പട്ടികയില് ഉള്പ്പെട്ട 2 പേരുടെ പരിശോധനാ ഫലം കൂടി നെഗറ്റീവായതായി ആരോഗ്യ വകുപ്പ് മന്ത്രി വീണാ ജോര്ജ്. ഇതോടെ 49 പേരുടെ പരിശോധനാ ഫലം നെഗറ്റീവായി. ഇന്ന് 40 പേരെയാണ് സമ്പര്ക്കപ്പട്ടികയില് ഉള്പ്പെടുത്തിയത്. ഇതോടെ ആകെ 152 പേരാണ് സമ്പര്ക്കപ്പട്ടികയിലുള്ളത്. 62 പേര് ഹൈ റിസ്കിലും 90 പേര് ലോ റിസ്കിലുമാണുള്ളത്. മലപ്പുറം 108, പാലക്കാട് 36, കോഴിക്കോട് 3, എറണാകുളം, ഇടുക്കി, തിരുവനന്തപുരം, തൃശൂര്, ആലപ്പുഴ ഒന്ന് വീതം പേര് എന്നിങ്ങനെയാണ് സമ്പര്ക്കപ്പട്ടികയിലുള്ളത്. നിലവില് ഒരാള്ക്കാണ് നിപ സ്ഥിരീകരിച്ചിട്ടുള്ളത്. എട്ടു പേര് ചികിത്സയിലുണ്ട്. രണ്ടു പേര് ഐസിയുവില് ചികിത്സയിലുണ്ട്.
